रोज एक नवं मराठी शब्दकोडे, थेट तुमच्या मोबाईलवर.

ईरा शब्दकोडे का?

वर्तमानपत्रातलं शब्दकोडे सोडवण्याची मजा वेगळीच असते, पण आजकाल रोज पेपर हातात येतोच असं नाही. म्हणून ईरा ब्लॉगिंगने मराठी वाचकांसाठी हे रोजचं डिजिटल शब्दकोडे सुरू केलं. इथे सोपं, मध्यम आणि अवघड अशी तीन शब्दकोडी असतात आणि त्यानंतर मराठी भाषेची आणि ईराच्या कथांची प्रश्नमंजुषा असते.

सगळ्यात मोठी अडचण होती ती मराठी टायपिंगची, कारण बहुतेकांच्या मोबाईलवर मराठी कीबोर्ड नसतो. म्हणून इथे तुम्ही इंग्रजी अक्षरांत टाईप करता आणि मराठी अक्षर आपोआप दिसतं. लॉगिन नाही, पासवर्ड नाही, फक्त तुमचं नाव आणि रोज एक नवं कोडं. आदल्या दिवसाची उत्तरं उत्तरं या पानावर दिसतात आणि सगळ्या शब्दांचे अर्थ शब्दसंग्रहात वाचता येतात.